Ég er fædd 1972 og ólst upp í Njarðvík frá 3ja ára aldri. Flutti til Reykjavíkur 1994 og hef búið á höfuðborgarsvæðinu síðan. Að vera móðir er stærsta og skemmtilegasta hlutverkið mitt og það reynir mest á mig á flestum sviðum. Á tvær stelpur, fæddar 2003 og 2008.

Ég er áhugakona um fjölmiðlun og stefni á störf tengd henni. Lauk fjórum áföngum í fjölmiðlafræði til stúdentsprófs 2006, þar af hagnýtri fjölmiðlun á fréttastofu NFS. Ég er í BA-námi í íslensku og fjölmiðlafræðum við Háskóla Íslands og útskrifast vorið 2011.

Mannréttindi og jafnrétti standa mér nærri auk þeirrar skoðunar minnar á mikilvægi þess að einstaklingar taki ábyrgð á eigin hamingju og finni hana inn á við, til þess að þroskast á bestan hátt. Ég hef einnig ætíð verið á móti kassalaga stefnu í lifsviðhorfum út frá þröngsýnni samfélagsþróun, þar sem allt virðist eiga að gerast í sömu fúlu röðinni. Mér finnst aldrei vera of seint fyrir neinn að láta drauma sína rætast.